КАНЫБЕК ИСАКОВ ОШ ОБЛУСУНДАГЫ БИЛИМ БЕРҮҮ БӨЛҮМДӨРҮНҮН БАШЧЫЛАРЫ МЕНЕН ЖОЛУКТУ

  • 15.08.2020
  • 0
КАНЫБЕК ИСАКОВ ОШ ОБЛУСУНДАГЫ БИЛИМ БЕРҮҮ БӨЛҮМДӨРҮНҮН БАШЧЫЛАРЫ МЕНЕН ЖОЛУКТУ

Билим берүү жана илим министри Каныбек Исаков Ош облусундагы билим берүү бөлүмдөрүнүн башчылары менен жолугуп, жаңы окуу жылына байланыштуу маселелерди талкуулады.

Исаков аралыктан окутууну уюштурууга министрлик толук кандуу даярданып жатканын, IV чейректеги дистанттык окутуунун артыкчылык жана кемчиликтери талданып, тиешелүү чечимдер кабыл алынганын билдирди.

Министрлик тарабынан жарыяланган «Санарип мугалим» бир айлыгынын алкагында педагогдорго окутууну дистанттык түрдө жүргүзүү ыкмалары, онлайн сабактарды даярдоо, мультимедиалык технологияларды колдонуу, окуучулар менен кайтарым байланышты уюштуруу, ата-энелер менен иш алып баруу боюнча вебинарлар өткөрүлүп жатканын министр белгилеп өттү.

Жыйындын соңунда Каныбек Исаков жетекчилердин суроолоруна жооп берди.

Билим берүү жана илим министрлигинин басма сөз кызматы

Бөлүшүү

Комментарийлер