БАШТАЛГЫЧ ЖАНА ОРТО КЕСИПТИК БИЛИМ БЕРҮҮ УЮМДАРЫНЫН ЖЕТЕКЧИЛЕРИНИН ВАКАНТТЫК ОРУНДАРЫНА ТАНДАП АЛУУНУН 2-ЭТАБЫ ӨТҮҮДӨ

Бүгүн 28-ноябрда Ж.Баласагын атындагы Кыргыз улуттук университетинин 6-корпусунда башталгыч жана орто кесиптик билим берүү уюмдарынын жетекчилеринин ваканттык орундарына кабыл алуу үчүн тестирлөө жүргүзүлүүдө.

Санариптик тестирлөөгө катышуу үчүн өлкө аймагынан жалпысынан 170 ден ашуун адам келди.
Тестирлөөдө суроолор үч бөлүмдөн турат. Ар бир бөлүмдөн 70% дан өйдө упай алган катышуучулар 2-турдан өтүп Билим берүү жана илим министрлигине баарлашууга чакырылат.

Белгилей кетсек, тестирлөө Министрлер Кабинетинин 2023-жылдын 23-июнунундагы №312 Токтомунун негизинде Билим берүүнүн сапатын баалоо жана маалымат технологияларынын улуттук борбору тарабынан ишке ашырылууда.