Академиялык чынчылдык жана коррупцияга каршы күрөшүү

Кыргыз экономикалык илимий-изилдөө университетинин ректору Алмаз Кадыралиев окутуучулар жана студенттер менен жолугушуп, билим берүү чөйрөсүндө коррупцияга каршы күрөшүү боюнча түшүндүрмө иштерин жүргүздү.

Жолугушууда жаңы мамлекеттик мыйзамдын негизинде билим берүү мекемелеринде академиялык тазалыкты камсыздоо жана коррупциялык көрүнүштөрдү алдын алуу маселери каралды.

Коррупцияга каршы күрөшүү мыйзамына ылайык, окуу жайда жыл сайын студенттер арасында анонимдүү сурамжылоолор жүргүзүлүп, алардын жыйынтыгы билим берүү процессиндеги адилеттүүлүк жана ишенимди күчөтүүдө колдонулат.Мындан сырткары, ректор коррупцияга каршы күрөшүү жана академиялык чынчылдыкты камсыздоо максатында иштеп жаткан атайын комиссиялардын ишмердүүлүгү тууралуу маалымат берди.

Бул комиссиялар билим берүү чөйрөсүндө мыйзам бузууларды алдын алуу, студенттер менен окутуучулардын укуктарын коргоо жана академиялык стандарттарды сактоо боюнча үзгүлтүксүз иш алып барып келишет. Окутуучулар үчүн да атайын түшүндүрүү иш-чаралары өткөрүлүп, аларга билим берүү процессинде этикалык стандарттарды сактоонун жана адилеттүүлүктү камсыздоонун маанилүүлүгү баса белгиленди.

Жолугушуу учурунда студенттер жана окутуучулар өз суроолорун берип, билим берүү чөйрөсүндө адилеттүүлүктү жана ачык-айкындуулукту чыңдоо боюнча ойлорун айтып, жетекчилик менен ачык диалог жүргүзүштү.

Жыйынтыгында, университет жетекчилиги коррупцияга каршы күрөшүү жана академиялык чынчылдыкты бекемдөө боюнча түшүндүрүү иштерин мындан ары да үзгүлтүксүз улантууну пландап жатканын маалымдады.