БАЛДАР МЕНЕН БИРГЕ ОКУУ — АТА-ЭНЕНИН МИЛДЕТИ!

17.01.2024
0

Бактыгүл Искакова,

Балыкчы шаарындагы Ж.Бөкөнбаев атындагы

№2 жалпы орто билим берүү мектебинин

башталгыч класстар мугалими

Ата-энелер университети (класстан тышкаркы семинар-сабак)

Тема: Балдар менен бирге окуу – ата-эненин милдети!

Мугалимдин сөзү: Ата-энелер, эжей-агайлар жана окуучулар! Бүгүн Ж.Бөкөнбаев атындагы №2 жалпы орто билим берүү мектебинин 3-“Б”классынын ата-энелер университетинин негизинде түзүлгөн, класстан тышкаркы семинар сабагыбызды баштоого уруксаат этиңиздер!

Бүгүнкү сабакка 3-“А”класстын ата-энелери жана окуучулары да бизге мейманга келип, сабакка катышып беришет.

-Келгениңиздер үчүн терең ыраазычылык билдирем!

-Анда эмесе, бүгүнкү “Балдар менен бирге окуу — ата-эненин милдети!” деген темадагы сабагыбызды баштайбыз.

Сабагыбыздын максаты:

— Ата-эне менен баланын ортосуна жакындык пайда кылуу.

-Ата-энелер педагогикалык сабаттулугун жогорулатышат.

— Китеп окууга,балдардын китепке болгон кызыгуусун ойготууга, түрткү берүүгө үйрөнүшөт.

— Бири-бири менен баарлашууга, бири-бирин сыйлоого багыт алышат.

Мугалим:

-Бүгүнкү сабакта ата-энелер менен бирдикте окуучулар ушул отурган боюнча топторго бөлүнөбүз. Ар бир топ бааланып турат.

-Ал үчүн алгач калыстар тобун шайлап алабыз. Калыстар тобу бүгүнкү сабакка келген мугалим эжейлерден болушат. Калыстар тобу, Сиздер топтордун аткарган тапшырмаларын “эң жакшы” – жашыл тегерекче, “жакшы” – кызыл тегерекче, “орто” — сары тегерекче менен баалап, ар бир тапшырмадан кийин дароо эле топторго тегерекчелерди берип турасыздар. Аягында топтор өзүлөрү жыйынтык чыгарышат.

Сабактын тиби: Жаңы теманы өздөштүрүү сабагы.

Сабактын усулу: жеке, топто, жалпы иштөө, изденүү.

Сабактын формасы: Семинар сабак

Сабактын жабдылышы: ОТК, таркатма материалдар.

Сабактын жүрүшү:

Алтын эреже: -Бүгүнкү сабагыбызга алтын эреже киргизип алалы (хор менен кайталайбыз).

Жагымдуу маанай:

-Азыр бири-бирибизге жагымдуу маанай тартуулайбыз

-Бири-бирибизди карап жылмаюу тартуулайбыз.

1-тапшырма: -Топ башчыларын шайлайбыз. Топ башчысы ата-эне болуу керек. Топтор өзүнүн тобуна ат коюшат жана эмне себептен топтун атын ошондой аталганын топ башчысы жактап берет.

-Убакыт кетти. 1мин.(кум саат)

Убакыт бүттү, топтор жакташат. Кол чабуулар. (Калыстар тобу баалайт)

2-тапшырма:

“Ыр окуу” деп аталат. Окуунун түрлөрү менен окуу керек. (Ар бир топко бирдей ыр берилет) (Калыстар тобу баалайт.)

1-топ 2-топ 3-топ

1.Обондуу окуу 1.Манас айтып окуу 1.Рэп айтуу менен окуу

2.Бийлеп окуу 2.Үнүн ичке чыгарып окуу 2.Үнүн жоон кылып окуу

Тыныгуу убактысы:

Ар бир топтон бирден ата-эне чыгып баласынынын эң жакшы сапаттарын жакшы сөздөр менен санап айтып берет. (Жерде ак барактар коюлган, карыштап ар бирине карыш сайын бирден сөз айтыш керек)

3-тапшырма: -кесме сөздөрдөн сүйлөм куроо (ар бир топко кесме сөздөр таркатылып берилет)

-(кесме сөздөрдү курашат)

Бул жерде макалдар же фразеологизмдер болушу мүмкүн.

Фразеологизм – бул ойду курч мааниде берген сөз айкашы.

— Беш өрдөгүн учурду

— Ырыс алды — ынтымак.

-Адам акылы менен адам. (Калыстар тобу баалайт. Кол чабуулар)

4-тапшырма:

-Топ башчылар, келсеңиздер. Тапшырманы алабыз.

Үч топко үч тапшырма берилет. Кырдаалдар.

-Ушул кырдаалдарды инценировкалап, көрсөтүп берүү керек.

-Бул тапшырманы ата-энелер аткарат. Балдарды жардамга алсаңыздар болот.

1-кырдаал:

Атасы да, энеси иштешет. Чоң энеси же таяэнеси үй жумуштары менен алек. Бирок булар биргелешип балага, сабагына жардамдашууга, окутууга убакыт табышат.

2-кырдаал:

Баланын өз, ата-энеси мигрант, чет өлкөдө. Ошол убакта чоң атасы, чоң апасы же тайэнеси, таятасы балага сабагын окутууга убакыт таба албайт.

3-кырдаал:

Үй-бүлөдө атасы да, энеси да иштейт. Чоң энеси же тайэнеси үй жумушу жана майда жумуштар менен алек. Баласына биргелешип сабактарына жардам берүүгө, окутууга убакыт жок. (2-3-кырдаал боюнча стоп кадр)