“БАЛА ЖАКШЫСЫ-АТАНЫН ДАҢКЫ, КЫЗ ЖАКШЫСЫ-ЭНЕНИН БАРКЫ”

05.02.2021
0

ТАЛАС ОБЛУСТУК ЧЕТ ТИЛДЕР ЛИЦЕЙ-КОМПЛЕКСИНИН ГЕОГРАФИЯ САБАГЫНЫН МУГАЛИМИ

“бала жакшысы-атанын даңкы, кыз жакшысы-эненин баркы”

Сабактын максаты

Билим берүү: Окуучулар үй-бүлөнүн коомдук, социалдык жана адеп-ахлактык мааниси жөнүндө түшүнүк алышат
Тарбиялык: Окуучулар үй-бүлөлүк биримдикке, ынтымакка, ата-энесин жана бир туугандарын урматтап, сыйлай билүүгө үйрөнүшөт
Өнүктүрүү: Окуучулардын сынчыл ойлору өнүгөт жана аларды топтордо иштей билүүгө үйрөнөт

Сабактын тиби: Жаңы материалдарды өздөштүрүү
Сабакты өтүүнүн формасы: Интерактивдүү сабак.
Сабактын жабдылышы: “Үй-бүлө” (чийме) ватман, маркер, макал-лакаптар жана сабакка тийиштүү сөздөр жазылган плакат

презентация.

Сабактын жүрүшү.

1-кадам ( 3 мин).

Уюштуруу.

Окуучуларды тактоо.
Класстык кабинетти сабакка даярдоо.
Окуучуларды 4 топко бөлүү.

2-кадам (2мин).

Мээ чабуулу.

Үй-бүлө деген эмне?
Үй-бүлө кандай түрлөргө бөлүнөт?
Үй-бүлөнүн курамы кимдерден турат?
Үй-бүлөдө кимдин орду жогору? (Ата-эне,бала)

3-кадам (7мин).

Үй-бүлө деген чийменин негизинде мугалимдин кыскача баяндамасы.

Бүгүнкү биздин өтө турган темабыз “Бала жакшысы ата даңкы, кыз жакшысы эне баркы” деп аталат. Сабакта биз силер менен үй-бүлө деген эмне экендигин, ата-эне баланын үй-бүлөдөгү орду тууралуу пикир алышабыз.

ЖЕКЕ

СОЦИАЛДЫК

ЭКОНОМИКАЛЫК

ФУНКЦИЯ
Үй бүлө
сүйүү	ишеним
сыйлоо	ынтымак
сабыр	милдет
жоопкерчилик
ТҮР

ТОЛУК ЭМЕС

ҮЙ-БҮЛӨ

ӨЗӨК ҮЙ-БҮЛӨ

ЧОҢ ҮЙ-БҮЛӨ

Үй-бүлө ыктыярдуу никеде негизделген адамдардын майда топтору.Үй-бүлө мамлекеттин ячейкасы. Үй кирпичтерден куралган сыяктуу үй-бүлөдөн мамлекет куралат. Үй-бүлөдө мамлекеттин келечектиги жарандары өсүп тарбияланат. Социалдык курамы боюнча үй-бүлө толук эмес үй-бүлө, өзөк үй-бүлө, чоң үй-бүлө деп бөлүнөт.

Толук эмес үй-бүлөгө атасыз же энесиз жашап жаткан үй-бүлөлөр кирет. Балалуу болуунун каалабаган, кааласа да мүмкүнчүлүгү же шарты жок жубайлар бар. Андайлар өзөк үй-бүлөнү түзүшөт.Чоң үй-бүлөдө кайната, кайнене, уул-келини, уул-кыздары небере-чөбөрөлөрү бирге жашашат. Үй-бүлө коомдо жеке, социалдык, экономикалык функцияларды аткарат. Жеке функцияга тукум улоочулук, социалдык функцияга балдарды турмушка аралаша билүүгө тарбиялоо, экономикалык функцияга тамак-аш,кийим-кече турак-жай менен камсыз кылуу иш-аракеттери ж.б.кирет

Сүйүү, сыйлоо, сабырдуулук, ишеним, ынтымак, милдет, жоопкерчилик үй-бүлөнүн бирден-бир адеп-ахлактык дөөлөтү болуп эсептелет.

4-кадам (3мин).

Окуучуларга жогорудагы таблицаны өз алдынча толтурууну сунуш кылуу. Белгиленген убакыт аяктагандан кийин аткарган тапшырмасын 3 окуучуну жалпы класска угуза окутуп көрүү.

Менин үй-бүлөм

№	Аталышы	Аты
1	Чоң атам
2	Чоң энем
3	Атам
4	Апам
5	Агам
6	Жеңем
7	Эжем
8	Сиңдим
9	Карындашым
10	Иним

5-кадам (15мин).

Ар бир топко бирден суроо берип,берилген суроого биргелешип жооп жазууну жана белгиленген убакыт бүткөндөн кийин ар топтон бирден окуучу чыгып презентациялоосун сунуштоо.

1-топ:Ата-энелер балдарына кандай мамиле жасоого тийиш?

2-топ:Ата-энелер балдарына кандай мамиле жасабоого тийиш?

3-топ:Балдар ата-энесине кандай мамиле жасоого тийиш?

4-топ:Балдар ата-энесине кандай мамиле жасабоого тийиш?

6-кадам(2мин)

Оюн мында окуучулар өздөрү көргөн 7 жаныбардын атын жазышат. Мугалим 1 же 2 окуучуну окутуп көрүп,төмөндөгү тартипте алардын үйүндөгүлөргө жасаган мамилесин аныктайт.

1.Атасына 2.Апасына 3.Агасына

4.Женесине 5.Эжесине7.Инисине

6.Синдисине (карындашына)

7-кадам (3 мин)

Макал-лакаптарды талкуулоо

“Куш уядан эмнени көрсө,учканда ошону алат”.”Ата коргон ок жонот,эне коргон тон бычат”.

8-кадам (3 мин)

Окуучуларды “Эсиңде болсун” деген адеп ахлактык эрежелер менен тааныштыруу.

1.Ата-энене акарат айтпа

2.Ата-энендин айтканын эки кылба

3.Тамакка ата-эненден мурда озунуп кол сунба

4.Ата-энендин женилин жерден,оорун колдон ал