“Бакчамда”. “Кайда?” деген суроого жооп берген сөздөр

Кыргыз тили, 2-класс (окутуу өзбек тилиндеги класстар үчүн)

 Сабактын тиби: аралаш

Сабактын методу: изденүүчүлүк жана интерактивдүү методдор.

Сабактын жабдылышы: окуу китеби, сүрөттөр, таркатмалар, проектор, окуу методикалык колдонмолор, карточкалар.

Сабактын этаптары: Мугалимдин ишмердүүлүгү.

• Саламдашуу;
• Жагымдуу маанай түзүү;
• Өтүлгөн теманы кайталоо:

«Жагымдуу маанай» ырын ырдоо менен сабакты башташат.

Сабактын темасын планын жарыялоо, 3 мүн.

Үй тапшырмасы менен өтүлгөн сабакты кайталоо үчүн берилген тапшырмаларга жооп беришет.

Сабактын темасы жарыяланат, максаты жана күтүлүүчү натыйжа айтылат. Доскадагы сүрөттөр аркылуу өтүлө турган сабактын темасын окуучулар өздөрү табышат.`

Баалоо критерийи менен тааныштырылат. Окуучуларга смайликтер берилет:

7-10 чейин упай  топтосо 5;

4-6 чейин упай топтосо 4;

2-3 чейин упай топтосо 3;

1-2 чейин упай топтосо 2;

Жаңы теманы өтүү: Чакырык

Тил жатыктыруу үчүн табышмакты окуп, жандырмагын табышат.

Кичине гана сары киши,

Өзү жер алдында,

Сакалы жер үстүндө.

Бул эмне? (🥕 Сабиз)

Окуучулар жашылчалар жөнүндө табышмакты табуу менен теманы актуалдаштыруу. Сен кандай салатты жакшы көрөсүң? Мөмө жемиштерден эмнелерди жакшы көрөсүң?

Апаң ашкабактан эмнелерди жасап берет?

Мөмө жемиштерден эмнелерди жасаса болот?

А сен эмне үчүн лимонду жаман көрөсүң?

Маектешүү…

1-тапшырма: Жаңы сөздөр менен таанышат. Сөздөрдү кайталап, сөз айкаштарын түзүшөт.

Тоголок, сүйрү, катуу, жерде, бакта, жердин үстүндө, жердин астында.

2-тапшырма: Төмөндө берилген аныктамаларга ылайык сөздөрдү таап, жазгыла.

а) Алма, чие, шабдалы, өрүк бакта өсөт.

б) Дарбыз, карагат, бадыраң, сарымсак, кызылча, коон жерде өсөт.

3- тапшырма:

«Чыпалак бала базарда» деген диалогду окугула. Белгиленген сөздөргө суроо бергиле. Алардын маанилерин түшүндүргүлө (текст проектор аркылуу көрсөтүлөт).

Чыпалак бала базарда

Чыпалак бала:

— Бул пияз канча сом турат?

— Картөшкө, бадыраң, пияз канча сом турат?

Сатуучу:

— Пияз 20 сом турат?

Картөшкө — 30 сом.

Капуста — 25 сом.

Бадыраң — 40 сом турат.

Мына, алыңыз.

Чыпалак бала:

— Мага 1 килограмм пияз, 2 килограмм картөшкө, 3 килограмм бадыраң бериңизчи.

Сатуучу: Мына алыңыз.

Чыпалак бала: Канча төлөймүн?

Сатуучу: 200 сом.

Чыпалак бала: Ыракмат.

5-тапшырма: Бул кайсы жашылча, тапкыла.

Бышыктоо: Ырдагы сүрөттөрдү чечмелеп окушат.

Үйгө тапшырма берүү: Окуу китебиндеги 75-бет, 7-көнүгүү.

Халида Мурзаева