ОКУУЧУЛАР ҮЧҮН ВИДЕОСАБАКТАР ТАРТЫЛЫП ЖАТАТ

Билим берүү жана илим министрлиги мектептерде IV чейректи дистанттык негизде окутууга даярдыкты улантууда.

Ведомствонун басма сөз кызматы маалымдагандай, азыр базалык окуу планына, календардык-тематикалык планга жана окуу программаларына ылайык, сабактардын расписаниеси түзүлгөн. Анын негизинде 4-чейректин сабактары Бишкектеги 9 студияда жана Ош шаарында «ЭлТР» каналынын базасында тартылууда.

Видеосабактар 200дөн ашык мугалимдин катышуусунда кыргыз жана орус тилдеринде жазылып жатат.

8-апрелден тарта IV чейректин сабактарын КТРКнын «Баластан» (1-4-класстын окуучулары жана бала бакчалардын бүтүрүүчү тайпалары үчүн), ЭлТРдин «Илим Билим»(5-11-кластын окуучулары үчүн) жана «Санат», «Пирамида», «5-канал» телеканалдарынан эфирге берилет.

Гүлнара Алыбаева, «Кут Билим»

Комментарии

Комментариев пока нет

Оставить комментарий