Өнөр устаканасына 55 жыл

  • 29.04.2013
  • 0
Өнөр устаканасына 55 жыл

Өнөр устаканасына 55 жыл

И. Арабаев атындагы Кыргыз мамлекеттик университетинин көркөм маданият жана билим берүү факультети Бишкектеги Кожомкул атындагы спорт сарайында түзүлгөнүнө 55 жылдык маа­ракесин өткөрдү. Салтанатка ЖКнын айрым депутаттары, маданият ишмерлери, окутуучулар, окуу жайдын мурдагы бүтүрүүчүлөрү, коомдук уюмдардын өкүлдөрү жана студенттер катышты.

И. Арабаев атындагы КМУнун көркөм маданият жана билим берүү факультетинин тарыхына кылчайсак, 1958-жылы ал кездеги В.Маяковский атындагы Кыргыз кыз келиндер институтунун кура­мында музыкалык-педагогикалык факультети болуп уюштурулуп, 1986-1987-окуу жылында факуль­теттин курамында сүрөт, чийүү жана костюмду моделдөө кафе­драсынын ачылышы менен кайра түзүлгөн. Ал эми 1999-жылы ма­даният факультетинин базасында маданият билим берүү борбору уюштурулуп, 2000-жылдан баш­тап Көркөм маданият жана билим берүү факультети болуп аталган.

Учурда факультетте жогор­ку квалификациядагы адистер, ЖОЖдордун бүтүрүүчүлөрү, магистранттары, КРнын мада­ниятына жана билим берүүсүнө эмгек сиңирген ишмерлер, ком­позиторлор, сүрөтчүлөр союзу­нун мүчөлөрү, республикабызга кеңири белгилүү талант ээлери, профессорлор эмгектенишип, жаш муундарды өнөр дүйнөсүнө тарбиялоого өз салымдарын ко­шуп келишет.

Салтанатта КМУнун ректору Т. Абдырахманов, ЖК депутаты Б.Төрөбаев, коомдук ишмерлер Н.Алымбеков, А. Майлиев ж.б. чы­гып сүйлөшүп, факультеттин атка­рып келе жаткан ишине бийик баа беришти. Факультеттин деканы Э.Токсобаева өз сөзүндө кечеде окуу жайда заманбап мезгилден артта калбай бардык болгон ара­кеттер көрүлүп келе жатканын, натыйжада аталган факультет республикабызда маданияттын жана искусствонун татыктуу очо­гуна айланганын сыймык менен айта аларына токтолду.

Мааракеге арналган чоң про­граммадагы концертке факуль­теттин бүтүрүүчүлөрү КР Эл арти­сти Г. Садыбакасова “Кыз бурак” тобу менен, КРнын Эл артисти Э. Нурманбетова, КРнын эмгек сиңирген артисттери — А. Карымов, С. Каримов, Д. Райымбекова өңдүү белгилүү ырчылар катышты. Мын­дан тышкары, костюмду көркөм долбоорлоо кафедрасы тарабынан даярдалган модалык кийимдердин коллекциясы көрсөтүлдү. Юбилей­лик салтанат музыка кафедрасы­нын башчысы Кубат Жакыповдун сценарийинин негизинде коюлуп, көрүүчүлөрдүн купулуна толду.

М.КАЙЫПОВ

Поделиться

Комментарии