Эл аралык инновациялык технологиялар университети
- 17.06.2013
- 0
Өз келечегиӊди Эл аралык инновациялык технологиялар университети менен бирге түз!
Эл аралык инновациялык технологиялар университети (ЭИТУ) – бул жаш, заманбап, профессионалдык адистерди даярдаган көп кырдуу, демилгелүү окуу жай, бул инновациялык технологиялар, маданият, илим жана билимдин борбору.
Университеттин имаратынын бардык жерлерине Wi-Fi орнотулган, ал өз кезегинде профессордук-окутуучулар курамына жана студенттерге бекер интернет каражаттарын колдонуусуна мүмкүнчүлүк берет.
Университетте студенттердин ЭИТУнун ректору, техника илимдеринин кандидаты Бегалиев Улугбек Турдалиевич менен сентябрь жана май айларында жолугуушулар болот. Ал жерден студенттер өзүн кызыктырган жана чечүүнү талап кылган суроолорду берип жыйынтыктуу жооп алышат.
Университет 2009-жылдан баштап off-line жана on-line технологиялардын жардамы менен дистанттык билим берүүнү өткөрүп жатат.
ЭИТУ 56 өлкөнү камтыган космосту изилдөөчү жана Тынч океан менен Азия өлкөлөрүн уюштуруу технологиясы борборунун (CSSTEAR) директорлор кеӊешмесинин 16 мүчөсү болуп саналат. Билим берүү, тренинг жана илимий тажрыйба алмашуулар Карлсруэ (Германия) Технологиялык институт жана Потсдам геофизикалык борбор менен байланышкан. ЭИТУнун кызматкерлери сейсмотуруктуу курулуш боюнча эл аралык ассоциациянын (EERI, АКШ), сейсмикалык системага каршы эл аралык коомдун (ASSISI, Италия) анык мүчөсү жана ар түрдүү чөйрөдөгү заманбап курулушта, колдонмо информатикада, информациялык системалар жана технологияларда, автоматтык башкаруу жаатында кызматташат. ЭИТУ Казак инженер, каржы-банк академиясы; Казак экономика, статистика жана консалтинг университети; Казак архитектуралык курулуш академиясы; «Кайнар» университети; Аль-Фараби атындагы Казак мамлекеттик университети; Казак сейсмотуруктуу курулушту жана архитектураны илимий-изилдөө институту; Казакстан «Парасат» институту менен тыгыз кызматташат.
Россиянын Москва мамлекеттик экономика, статистика жана информатика университети; Москва каржы, өндүрүш академия — «Синергия» университети; МИФИ Улуттук ядролук изилдөө университети; М.В.Ломоносов атындагы Москва мамлекеттик университети, технологиялар институту; сейсмотуруктуу курулуш боюнча Россия ассоциациясы менен бекем байланышта.
ЭИТУнун түзүмдүк бөлүмү – Инновациялык технологиялар жана экономика колледжи (ИТЭК) – окуу, методикалык, тарбия ишин 2010-жылдан бери жүргүзүүдө.
Колледждин студенттери квалификацияга ээ болушат жана окутуунун күндүзгү формасы боюнча окушат. Колледждин окуу программалары жогорку кесиптик билим берүү системасынын окуу программаларына шайкеш, башкача айтканда ЭИТУнун адистиктеринин негизин түзөт. Инновациялык технологиялар жана экономика колледжинин бүтүрүүчүлөрү мамлекеттик стандарттагы диплом алышат жана билимин ЭИТУда же башка жогорку окуу жайларда улантса болот.
Бүгүнкү күндө жогорку деӊгээлдеги акыл ою тунук жаштарды тарбиялоо менен, интеллигенттүү, атуулдук милдетти сезе билген, Ата Мекендин алдында жоопкерчиликтүү, гумандуу, маданияттуу келечектин ээсин тарбиялайбыз. Айрым иш-чаралар ЭИТУ жана ИТЭК үчүн салтка айланган.
Тарбиялык иште кайрымдуулук акциясына өзгөчө көӊүл бөлүнүп, бир жылда эки жолу, жаӊы жылда жана балдарды коргоо күнүнө карата өткөрүлөт. Студенттердин жана окутуучулардын демилгеси менен даярдалган концерттик программа Военно-Антоновка балдар үйүндө жана Бишкектеги балдар онкологиялык ооруканада кызыктуу коюлуп, кичинекей бөбөктөр үчүн белектер таратылат.
Студенттер үзгүлтүксүз театрларга, көркөм сүрөт музейине барып турушат жана жыл сайын ЭИТУнун студенттери сүрөтчү Ч.К.Төрөбекованын уюштурулган көргөзмөсүнө катышып, көркөм искусство жана скульптура боюнча сабак алышат.
Урматтуу абитуриенттер!
Инновациялык билим алууга, бизнес-ойлорду ишке ашырууга, акылдуу, ийгиликтүү, активдүү инсан жана адис болууга биздин Эл аралык инновациялык технологиялар университетине (ЭИТУ) жана Инновациялык технологиялар жана экономика колледжине (ИТЭК)
К О Ш К Е Л И ӊ И З Д Е Р !
| Код | Профилдери | Окуу мөөнөтү | Баасы |
| 510300 | IT, ОПТО-ИНФОРМАТИКА Профилдери: «Маалыматты берүү, жазуу жана иштеп чыгуу оптикалык технологиялары». | 4/5 | 26700/19800 |
| 750200 | АРХИТЕКТУРАЛЫК ЧӨЙРӨДӨГҮ ДИЗАЙН Профилдери: “Шаардык чөйрөнү долбоорлоо”; “Интерьерлерди долбоорлоо”; “Ландшафттык долбоорлоо”. | 4/* | 23700/* |
| 750500 | КУРУЛУШ; ДОЛБООРЛОО Профилдери: “Өндүрүштүк жана граждандык курулуш”; “Курулуш материалдарын, буюмдарын жана конструкцияларын өндүрүү”; “Долбоорлорду жана курулушту автоматташтыруу”; “Кыймылсыз мүлктү башкаруу жана эксперттөө”; “Граждандык, өндүрүштүк жана шаардык курулушта компьютердик технологиялар”; “Имараттарды долбоорлоо”; “Курулушта жана архитектурада компьютердик моделдөө”. | 4/5 | 22800/19300 |
| 710200 | МААЛЫМАТ СИСТЕМАЛАРЫ ЖАНА ТЕХНОЛОГИЯЛАРЫ Профилдери: “Бизнестеги маалымат системалары жана технологиялары”; “Бажы жумушундагы маалымат системалары жана технологиялары”; “Корпоративдүү маалымат системалары”. | 4/5 | 22800/19200 |
| 710300 | КОЛДОНМО ИНФОРМАТИКА Профилдери: “Экономикадагы колдонмо информатика”; “Дизайндагы колдонмо информатика”; “Жол кыймылын уюштуруудагы колдонмо информатика”. | 4/5 | 22800/19200 |
| 640200 | ЭЛЕКТРОТЕХНИКА ЖАНА ЭЛЕКТР МЕНЕН КАМСЫЗДОО Профилдери: «Электр менен камсыздоо»; «Салттуу эмес калыбына келүүчү энергия булактары». | 4/5 | 24000/19300 |
| 740700 | ЖЕӉИЛ ӨНӨР ЖАЙ БУЮМДАРЫНЫН ТЕХНОЛОГИЯСЫ Профилдери: “Тигүү буюмдарын кынаптоо”; “Текстилдик дизайн”; “Костюм жана текстил чеберчилиги”. | 4/5 | 23200/19300 |
| 670200 | ТРАНСПОРТТУК-ТЕХНОЛОГИЯЛЫК МАШИНАЛАРДЫ ЖАНА КОМПЛЕКСТЕРДИ ЭКСПЛУАТАЦИЯЛОО Профилдери: «Автомобилдик сервис»; «Автомобилдер жана автомобилдик чарба». | 4/5 | 21700/19200 |
| 580100 | ЭКОНОМИКА Профилдери: «Мекемедеги каржыны инновациялык башкаруу»; «Бухгалтердик эсеп, анализ жана аудит»; «Салык жана салык салуу»; «Каржы жана кредит»; «Дүйнөлүк экономика жана эл аралык экономикалык мамилелер»; «Банктык иштер». | 4/5 | 23200/19300 |
| 580200 | МЕНЕДЖМЕНТ Профилдери: «Саясат менеджменти»; «Жаӊы технологиялар менеджменти»; «Спорт менеджменти»; «Мейманкана жана ресторан бизнесинин менеджменти»; «Кичи бизнестерди башкаруу»; «Инновациялык ишмердиктин менеджменти». | 4/5 | 21700/19300 |
| 530300 | ПСИХОЛОГИЯ Профилдери: «Психология жана педагогика»; «Уюштурулган педагогика». | 4/5 | 24400/19200 |
| 531100 | ЛИНГВИСТИКА Профилдери: «Лингвистика жана жаӊы маалымат технологиялары»; «Которуу жана котормо таануу”. | 4/* | 21700/* |
Инновациялык технологиялар жана экономика колледжи
| Адистик | Квалификация | Окуу мөөнөтү (9-кл. базасында) |
| Электр менен камсыздоо | электр техниги | 2 ж. 10 ай |
| Автомобилдик унааларды оӊдоо жана техникалык тейлөө | техник | 2 ж. 10 ай |
| Радио электрондук техниканы техникалык жактан тейлөө жана оӊдоо | техник | 2 ж. 10 ай |
| Тигүү буюмдарын кынаптоо жана моделдөө | модельер-кынаптооч | 2 ж. 10 ай |
| Үйлөрдү жана имараттарды куруу жана колдонуу | техник | 2 ж. 10 ай |
| Салык жана салык салуу | экономист, салык салуу боюнча адис | 2 ж. 10 ай |
| Мейманканалар сервиси | менеджер | 2 ж. 10 ай |
| Чач тарач чеберчилиги | технолог | 2 ж. 10 ай |
| Жарнама | жарнама боюнча адис | 2 ж. 10 ай |
| Товарлардын сапатын эксперттөө | эксперт | 2 ж. 10 ай |
| Жер-мүлктүк мамилелер | жер-мүлк боюнча адис, экономист | 2 ж. 10 ай |
Толук маалыматты биздин сайттан www.intuit.kg таанышсаӊыз болот. Өзүӊүздөрдү кызыктырган суроолорду же сунуштарды төмөнкү телефондор аркылуу берсеӊиздер болот:
(0-312) 44-99-03; 89-35-81; 47-95-32; 0550-60-61-23.
Биздин дарек: Бишкек шаары, Горький көчөсү, 1/17.
Комментарии