ЖАЙЫНДА БАЛДАРДЫН ДЕН СООЛУГУНА ЭМНЕЛЕР КООПТУУ?

Жай саратанда ата-энелер балдарга ысык өтүп кетпеши үчүн кийген кийимине жана ичкен тамак-аштарына өтө көңүл бурушу керек. Айрыкча, жайында ичеги-карын инфекциясы, күн өтүп кетүү, баш айлануу сыяктуу белгилери байкалса, дароо дарыгерге кайрылуу абзел.

Милдеттүү медициналык камсыздандыруу фондунун (ММКФ) адистери балдардын ден соолугуна кам көрүүдө ата-энелерге төмөнкү эрежелерди эстен чыгарбоону сунуштайт. Курч ичеги инфекциялары балдар арасында жайылганда кантип акысыз же арзандатылган медициналык жардам алса болот?

• Бөбөктөрдө ичеги-карын инфекциясынын белгилери байкалса, катталган жери боюнча үй-бүлөлүк дарыгерге кайрылуу зарыл. Мындай учурда кызмат көрсөтүү акысыз болот. Каттоо жок болсо, кызмат көрсөтүүлөр прейскурант боюнча төлөнөт;
• Эгер дары-дармек берилиши керек болсо, адис электрондук рецепт берет. Мындай учурда ММКФ менен кызматташкан дарыканаларда 50 пайызга чейин арзандатуу болот;
• Бала мектепти аяктаганга чейин бейтапканада акысыз жардам алат;
• 6 жашка чейинки балдар бейтапканада жана ооруканада акысыз каралат;
• Кеңеш алуу үчүн ооруканага жолдомосуз, ал эми өз алдынча кайрылганда, акы прейскурант боюнча төлөнөт;
• Ооруканага жаткыруу үчүн өз алдынча кайрылса, максималдуу төлөм төлөнөт;
• Эгерде ата-эне Тез жардам чакырып, дарыгерлер баланы ооруканага жаткыруу чечимин кабыл алса, үй-бүлөлүк дарыгердин жолдомосу талап кылынбайт.

Кошумчалай кетсек, жайында балдардын, (жалпы эле чоңдордун да) да коопсуздугуна коркунуч туудурган дагы бир жагдай – бул сууга түшүү. Ата-энелер жана баланын жакындары суу жээгине барганда, балдарды кароосуз калтырбай, сак болуу керек. Сууга түшүүгө тыюу салынган жерлерге барбай, деги эле сууга түшүү эрежелерин кылдат сактоо талапка ылайык.

А.К.