ЖАҢЫ ТЕХНОЛОГИЯЛАР — БИЛИМДИН ЖАҢЫ ДЕҢГЭЭЛИ

2025-2026-окуу жылынын башталышы менен 197  STEM жана 47  англис тили мугалимдери «Алтын Казык» программасынын алкагында,  заманбап ноутбуктар менен камсыз болушту.

— Ноутбукта «Санарип Кампа» платформасы жүктөлгөн. Эми агай-эжелер сабактарды дагы да интерактивдүү, кызыктуу жана натыйжалуу өтүүгө мүмкүнчүлүк алышты. Бул демилге — билим берүү тармагын санариптештирүүгө жана мугалимдерибиздин ишин жеңилдетүүгө жасалган чоң кадам, — дешет акталалык мугалимдер.

Кулатов атындагы орто мектебинин мугалимдери дагы заманбап ноутбуктарга ээ болушту. Бул жаңылык мугалимдердин билим берүү сапатын жогорулатууга, жаңы ыкмаларды колдонууга жана STEM – жаңы багытын өнүктүрүүгө чоң өбөлгө болот.

Г.А., “КБ”