ТЕРЕКСУУЛУК ОКУУЧУЛАР ВОЛЕЙБОЛ БОЮНЧА РАЙОНДУК МЕЛДЕШТИН КУБОГУН ЖЕҢИП АЛЫШТЫ

Ат—Башы районунда Аймактарды өнүктүрүү жылына карата кыздар арасында волейбол боюнча райондук мелдеш болуп өттү. Ага айылдардагы мектептерден тандалып келген кыздардан куралган 10 команда катышып, биринчилик үчүн ат салышты. Терек-Суу айылындагы А.Чортеков атындагы орто мектебинин кыздар командасы мелдештин кубогун утуп алышты.

Мелдештин жүрүшүндө командалар эки тайпага бөлүнүп, өз ара таймашып, төрт команда финалдык оюнга чыгышты. Финалдык турда 1-2-орундар үчүн Терек-Суу айылы менен Баш-Кайыңды айылынан келген кыздар ат салышып, күйөрмандардын бүйүрүн кызыткан оюн көрсөтүштү. Оюн терексуулук кыздардын пайдасына чечилип, мелдештин кубогун утуп алышты. Уюштуруучулар тарабынан командага кубок жана оюнчуларына баалуу блектер тапшырылды.

Терек-Суу айылындагы А.Чортеков атындагы орто мектебинин кыздар командасы райондук, облустук деңгээлде өткөрүлгөн мелдештерде байгелүү орундарды багындырып келатат.

Гүлнара Алыбаева, “Кут Билим”