ОШТО “БИЗ – XXI КЫЛЫМДЫН ИНТЕЛЛЕКТУАЛДАРЫБЫЗ” ЭЛ АРАЛЫК ЖАШТАР СЫНАГЫ

Ош шаарында КР Билим берүү жана илим министрлиги, балдардын республикалык “Алтын түйүн” инженердик-техникалык академиясы, Кыргыз Республикасынын Интеллектуалдык менчик жана инновация мамлекеттик кызматы менен биргеликте уюштурулган “Биз – XXI кылымдын интеллектуалдарыбыз” аттуу эл аралык жаштар сынагы өтүүдө.

Ош шаардык билим берүү башкармалыгынын кызматкери Тынчтыкбек Досмуратовдун берген маалыматына таянсак, бул сынакка республиканын бардык аймактарынан жаш ойлоп табуучулар, жогорку окуу жайлардын: Ош технологиялык университети, И.Раззаков атындагы КМТУ, Б.Ельцин атындагы КОСУ, Н.Исанов атындагы КМКТАУ, К.Тыныстанов атындагы Ысык-Көл мамлекеттик университети, ОшМУ, ЖАМУнун студенттери жана Казакстан, Тажикстан, Өзбекстан, Белорусия, Орусиядан (Москва жана Санкт-Петербург шаарларынан) окуучулар катышууда.

Эске сала кетсек, Кыргызстанда бул жылы сынак жыйырма биринчи жолу уюштурулуп, бул жолкусу Ош шаарында өткөрүлүп жатат.

Гүлнара Алыбаева, “Кут Билим”