НООКЕНДИН МЕКТЕПТЕРИНДЕГИ ЖАҢЫ КУРУЛУШТАР

   Ноокен районуна караштуу Бүргөндү айыл аймагында жайгашкан  № 18 Молдалиев атындагы орто мектебинде жаңы заманбап спорттук зал курулуп, пайдаланууга берилди.

Спорттук залдын курулушуна райондук өнүктүрүү  фондунан жана Бүргөндү айыл өкмөтүнөн каражат жумшалды.

Ачылыш аземге КР Өкмөтүнүн Жалал-Абад облусундагы ыйгарым укуктуу өкүлү  К. Сатыбалдиев, Ноокен райондук мамлекеттик администрациясынын башчысы-аким  Э. Маматаев, Ноокен райондук билим берүү бөлүмүнүн башчысы Б. Козуев, Билим, илим кызматкерлеринин профсоюзунун Ноокен райкомунун төрагасы К. Нышанов, Бүргөндү айыл өкмөтүнүн  башчысы А. Сатыкулов, райондогу мекеме-иш каналардын жетекчилери, айыл өкмөт башчылары, аксакалдар, жаштар кеңешинин өкүлдөрү жана айыл тургундары катышты.

Ошол эле күндүн экинчи жарымында Бүргөндү айыл аймагында жайгашкан № 47 Ташиев атындагы орто мектебинин кошумча жаңы имаратынын ачылышы болуп өттү.

Жаңы имараттын курулушуна стимгранттын эсебинен, Бүргөндү айыл өкмөтүнүн өзүнүн жана каражаты жумшалды.

Т. Бакиров, Ноокен райКБКнын инспектору