ЭАУДА СТУДЕНТТЕРДИН КҮЗГҮ СПАРТАКИАДАСЫ СТАРТ АЛДЫ

17-сентябрда К.Ш. Токтомаматов атындагы Эл аралык университетинде студенттердин күзгү спартакиадасы башталды.

Мелдеш студенттерди сергек жашоого жана спортко үндөө максатында өткөрүлүүдө. Спартакиаданын жыйынтыктары боюнча мыкты деп табылган студенттер университеттин спорттун түрлөрү боюнча курама командаларына тандалып алынат. Мелдеш спорттун волейбол, баскетбол, футбол, стол тенниси, чатыраш, аркан тартыш, тогуз коргоол, таяк тартыш түрлөрү боюнча өткөрүлүүдө. Бул тууралуу окуу жайдан кабарлашты.