ЧҮЙ ОБЛАСТЫНДАГЫ СЕМИНАР: «ШАХМАТ ДҮЙНӨСҮНӨ САЯКАТ»

30-январда  Сокулук районуна караштуу  Военно-Антоновка  айыл аймагындагы №20 бала бакчасында “Шахмат    дүйнөсүнө саякат” аттуу темада облустук  семинар уюштурулуп өткөрүлдү. 

Сокулук райондук билим берүү бөлүмүнүн башчысы Эмилбеков К.Э. сөз сүйлөп ачып, Военно-Антоновкадагы бала бакчанын жетекчиси жана андагы ийгиликтер менен тааныштырды.

Семинардын максаты шахмат ойногонго балдардын кызыгуусун күчөтүү жана  ата-энеси менен чогуу шахмат ойноонун ыкмаларын үйрөтүү болуп саналат.

Семинарда  Какеева Махабаттын  шахмат оюну боюнча сабагы көрсөтүлдү. Ошондой эле меймандар балдардын   чий-куурчак, оймо-чийме, сүрөт тартуу боюнча эмгектери менен да таанышты.

Семинарга Чүй облусунун усулдук билим берүү бөлүмүнүн  башкы адиси Эгембердиева В.А.  жана  Чүй-Токмок, Кемин, Ысык-Ата, Аламүдүн, Москва, Жайыл, Панфилов райондорунун билим берүү бөлүмдөрүнүн адистери жана  бала бакча башчылары катышты.