«БИЗ ДҮЙНӨНҮ ЖАҢЫРТАБЫЗ, ДҮЙНӨ БИЗДИ ЖАҢЫРТАТ»

Чоң-Алай райондук билим берүү бөлүмүнө караштуу  «Кулчу» орто мектебинде мугалимдер арасында «Эне тил жана Айтматов» жумалыгынын алкагында  «Биз дүйнөнү жаңыртабыз, дүйнө бизди жаңыртат» деген тема боюнча мугалимдердин колдо жасаган эмгектери камтылган көргөзмө уюштурулду.

Көргөзмөнү уюштуруунун негизги максаты Ч.Айтматовдун чыгармаларын тереңдетип окутуу жана сабак өтүүдө көрсөтмөлүүлүктү арттыруу болуп саналат. Иш-чарада мугалимдер тарабынан Айтматовдун чыгармаларына байланышкан ар түрдүү эмгектер коюлуп,  катышуучулардын купулуна толду. Ар бир эмгек өзгөчө чеберчилик менен жасалып, мектепти көрккө бөлөдү.