МЕКТЕП АГАЙЛАРГА МУКТАЖ!

Быйыл мектептерге эркек мугалимдерди тартуу багытында иштер жүргүзүлөт. Бул тууралуу КР Билим берүү жана илим министри Уланбек Мамбетакунов окурмандар менен бир жарым саат онлайн байланышта билдирди.

У.Мамбетакунов министрлик жүргүзүп жаткан иштерге кеңири токтолуп, бул жылы мектептерге мүмкүн болушунча көбүрөөк эркек мугалимдерди тартууга басым жасаларын, “Мектептер агайларга муктаж!” деген чакырык менен иш жүргүзүлөрүн баса белгиледи. Буга көпчүлүк окурмандардын мектепте билим менен бирге тартип маселесин бекемдөөдө эркек мугалимдердин иштеши максатка ылайык экендигин айтканы жүйө болууда.

А.Кашыбаева,

“Кут Билим”