ЖАЛПЫ РЕСПУБЛИКАЛЫК ТЕСТИРЛӨӨГӨ КАТТОО БАШТАЛДЫ

2018 — ЖЫЛДАГЫ ЖАЛПЫ РЕСПУБЛИКАЛЫК ТЕСТИРЛӨӨНҮН КАТЫШУУЧУЛАРЫНЫН КАТТООСУН ӨТКӨРҮҮ  ЖӨНҮНДӨ БУЙРУК

 Жалпы республикалык тестирлөөнүн 2018 — жылдагы катышуучуларынын каттоосун өткөрүү максатында буйрук кылам:

1. Жалпы республикалык тестирлөөнүн катышуучуларынын каттоосу 2018-жылдын 15 — февралынан 5- апрелине чейин жүргүзүлсүн.
2. Каттоо 2017-2018-окуу жылынын бүтүрүүчүлөрү үчүн окуп жаткан окуу жайларында, мурунку жылдары бүткөн бүтүрүүчүлөр үчүн негизги жашаган жеринде жайгашкан райондук (шаардык) билим берүү бөлүмдөрүндө жүргүзүлсүн.
3. Бишкек жана Ош шаардык билим берүү башкармалыктарынын, райондук (шаардык) билим берүү бөлүмдөрүнүн, жалпы билим берүү уюмдарынын жетекчилерине:

3.1. Жалпы республикалык тестирлөөнүн катышуучуларынын каттоосу Билимди баалоо жана окутуу усулдары борбору тарабынан иштелип чыккан талаптардын негизинде жүргүзүү;

3.2.  Билим берүү органдарында жана жалпы билим берүү уюмдарында катышуучулардын каттоосун жүргүзүү максатында атайын бөлмө бөлүп берүү, керектүү байланыш каражаттарын, жабдууларын жана уюштуруу техникасын камсыздоо;

3.3.   Каттоону жүргүзүүнү  райондук (шаардык) билим берүү бөлүмдөрүнүн жооптуу адистерин 1- тиркемеге ылайык бекитүү уюштурулсун.

4. 4. Бул буйруктун аткарылышын көзөмөлдөө Мектепке чейинки, мектепте жана мектептен тышкаркы билим берүү башкармалыгына (М.Ж.Усеналиев) жүктөлсүн.

Негизи: Билимди баалоо жана окутуу усулдары борборунун 2018-жылдын 1-февралындагы № 1 кайрылуусу.

Министр    Г.К. Кудайбердиева